Falë ndërhyrjes së shpejtë të policisë, situata nuk u përshkallëzua, por personi që u përplas nga furgoni u dërgua menjëherë pranë mjekëvë të kampit. Më herët, policia greke u përpoq të bindë sot emigrantët që të mos bllokojnë shinat e trenit.

Megjithatë, negociatat nuk patën sukses. Emigrantët shprehen se nuk kanë ndërmend që të largohen nga kufiri greko-maqedonas, pasi kanë sakfrikuar cdo gjë për të mbërritur në Europën Perëndimore. Situata në kampin e Idomenit vijon të mbetet e rënduar në kushtet kur rreth 12.000 emigrantë prej javësh kanë qëndruar në rrethana mjaft të vështira.

Qeveria greke ka ngritur qëndra të posacme strehimi për azil-kërkuesit duke vendosur edhe në dispozicion autobusë për transportin e tyre. Por pavarëisht kësaj, refugjatët refuzojnë të transferohen. Ata thonë se bllokimi i hekurudhës është shpresa e tyre e fundit. Azil-kërkuesit shprehen se në rast se do të largohen nga hekurudha askush nuk do të kujtohet më për ta.