Dardanët ndeshjen e parë në këtë rrugëtim e luajtën kundër kombëtares së Bullgarisë, në stadiumin ‘Fadil Vokrri’.

Kombëtarja dardane e dominoi në total këtë ndeshje, mirëpo në fund arritën të marrin vetëm një pikë, shkruan lajmi.net.

Ishin mysafirët ata që kaluan të parët në epërsi në këtë takim, pas një goditje nga këndi të  cilën e shfrytëzoi Vasil Bozhikov në minutën e 39’.

Golin e barazimit e shënoi ylli i Kosovës, Arbër Zeneli, kur po luhej minuta e 61’ e ndeshjes.

Kosova pati edhe dy raste të mira, por që kombëtarja mysafire kishte edhe fatin me vete.

Kështu, dardanët kanë një pikë në Grupin A, me vetëm një ndeshje të luajtur. /Lajmi.net/