Përformancat e mira e shpërblejnë yllin e Juventusit me kontratë të re
Drejtori sportiv i Juventusit, Fabio Paratici ka konfirmuar se Juan Cuadrado është "shumë afër" për të nënshkruar një kontratë të re.
Sport
Cuadrado është rilindur nën trajnerin Maurizio Sarri, duke startuar në tetë ndeshjet e tyre të fundit në Serie A si mbrojtës i djathtë, pavarësisht se është një anësor.
Ai ka bërë përshtypje aq shumë në rolin që jo vetëm që Sarri e sheh si mbrojtës tani, por do të rinovojë me Juve edhe për dy vjet, përcjell lajmi.net.
“Ende nuk ka përfunduar, por ne jemi shumë afër”, i tha Paratici Sky Italia pas fitores 1-0 ndaj Milanit të dielën.
31-vjeçari u bashkua me ‘Bianconeri’ nga Chelsea në verën e 2015 dhe ka kapur shifrat e 150 paraqitjeve për ‘Zonjën e Vjetër’. /Lajmi.net/