Andre Villas-Boas  më herët gjatë javës u shkarkua nga posti i menaxherit të Tottenhamit. Dhe, tani kanë filluar të publikohen prapaskena interesante.

Strategu portugez nuk aprovoi katër nga shtatë përforcimet e Tottenhamit të bëra gjatë afatit kalimtar të verës dhe kërkoi nga presidenti Daniel Levy të mos i blinte ata.

Villas-Boas ishte kundër angazhimit të Erik Lamelas, Nacer Chadli, Vlad Chiriches dhe Christian Eriksen, katërshja që i kushtoi klubit londinez bashkërisht 56 milionë funte, por kërkesa e tij u injorua, raporton Sports Mail.

Villas-Boas kishte kërkuar nga Levy të blinte futbollistët, Hulk, Joao Moutinho dhe David Villa, derisa Tottenham bëhej gati për periudhën post-Bale, pas shitjes së uellsianit në Real Madrid.

Asnjëra prej kërkesave të tij nuk u aprovua, kurse të tjerët, Paulinho, Ettiene Capoue dhe Roberto Soldado ishin të kërkuar prej tij.