Komisioni Qeveritar për Privatizimin e PTK’së pritet të mblidhet të hënën për të vendosur për fatin e privatizimit të 75 për qind të aksioneve të kësaj kompanie.

Burime të lajmi.net bëjnë të ditur se një mbledhje e këtij Komisioni është thirrur për të hënën dhe nga kjo mbledhje pritet të dalë vendimi nëse privatizimi i kompanisë më fitimprurëse publike të Kosovës do të ecë më tej apo do të dështojë.

I njëjti burim ka thënë se Ministri i Zhvillimit Ekonomik, Fadil Ismajli, favorizon opsionin e shtyrjes përpara të privatizimit, që nënkupton nënshkrimin e kontratës me blerësin – Konsorciumin AXOS- Najafi.