Takimi vjen pak ditë pasi vendet e QUINT-it dhe BE-ja kritikuan Hotin për shuarjen e Task-Forcës kundër-korrupsion, njësi që ishte në kuadër të Policisë së Kosovës.

Gjatë këtij takimi, Hoti me ambasadorët diskutoi për bashkëpunimin në fushën e sundimit të ligjit, me theks të veçantë në luftën kundër krimit të organizuar dhe korrupsionit.

Kryeministri Hoti u shpreh i vendosur për të fuqizuar luftën kundër krimit dhe korrupsionit, si dhe tregoi gatishmërinë e tij për të punuar së bashku në këtë drejtim me qeveritë e vendeve anëtare të QUINT-it. /Lajmi.net/