Nga një muaj paraburgim u është caktuar sot N. E nga Ferizaj, F.A nga Shtimja, Sh.H nga Ferizaj si dhe L.A po ashtu nga Ferizaj, për shkak të dyshimit të bazuar se në bashkëkryerje kanë kryer veprën penale, organizimi i skemave piramidale dhe bixhozit të paligjshëm si dhe veprën penale heqja apo dëmtimi i vulave ose i shenjave.

Po ashtu një ditë më parë Gjykata Themelore në Ferizaj, ka shqiptuar masën e paraburgimit edhe për dy të pandehur të tjerë K.Sh nga Ferizaj dhe F.K nga Ferizaj, të dyshuar për po të njëjtat vepra penale organizimi i skemave piramidale dhe bixhozit të paligjshëm.