Në një intervistë për Panorama Sport, Pepa ka thënë se do të largohet nga skuadra e Flamurtarit, pasi në po kurdisen ndeshje, sidomos në takimin kundër Teutës në Vlorë.

Ai e cilësoi futbollin shqiptar si skandaloz. “Mund t’ju konfirmoj se jam larguar nga Flamurtari. E kërkova vetë që të largohesha, për shkak se nuk mund të bëhem pjesë e një kampionati që është i mbushur me dallavere”.

“Ishte skandaloze ajo që ndodhi në takimin me Teutën dhe gjykova se nuk mund të bëhem pjesë e një futbolli të tillë. Në këto kushte, i kërkova prishjen e marrëveshjes drejtuesve të klubit vlonjat. Të them të drejtën, më zuri frika, pasi këtu u bëkan çudira. E mendova gjatë, por jo, unë nuk mund të luaj dot në një kampionat ku ndodhin këto gjëra”, u shpreh Pepa për Panorama Sport.