PE: Pas 5 nëntorit nuk e njohim më Lukashenkon si president
Parlamenti Europian ka bërë thirrje për sanksione europiane ndaj presidentit bjellorus Aleksander Lukashenko, në të njëjtën kohë duke dënuar shtypjen e dhunshme të demonstruesve.
Bota
Në një rezolutë të miratuar sot me 574 pro, 37 kundra dhe 82 abstenime, Parlamenti Europian hodhi poshtë rezultatet zyrtare të të ashtuquajturave “zgjedhje presidenciale” të cilat u zhvilluan në Bjellorusi në 9 gusht, pasi ato u mbajtën “në shkelje flagrante të të gjitha standardeve të njohura ndërkombëtarisht”, raporton ATSh.
”Sapo të skadojë mandati i udhëheqësit autoritar në largim Aleksander Lukashenko më 5 nëntor, Parlamenti nuk do ta njohë më atë si president të vendit”, thuhet në rezolutën e PE.