PDK: Komunat e udhëhequra nga ne kampione për transparencë buxhetore
Partia Demokratike e Kosovës ka reaguar pas publikimit të raportit të Indeksit të Transparencës Buxhetore për vitin 2023. Në këtë raport, Komuna e Drenasit, Komuna e Vushtrrisë dhe Komuna e Hanit të Elezit kanë arritur 100 pikë duke rezultuar si kampione për transparencë buxhetore. Të tre këto komuna udhëhiqen nga PDK, parti kjo e cila…
Lajme
Partia Demokratike e Kosovës ka reaguar pas publikimit të raportit të Indeksit të Transparencës Buxhetore për vitin 2023.
Në këtë raport, Komuna e Drenasit, Komuna e Vushtrrisë dhe Komuna e Hanit të Elezit kanë arritur 100 pikë duke rezultuar si kampione për transparencë buxhetore.
Të tre këto komuna udhëhiqen nga PDK, parti kjo e cila i ka përgëzuar kryetarët e këtyre komunave.
Postimi i plotë pa ndërhyrje:
Tri komuna të udhëhequra nga PDK: Drenasi, Vushtrria dhe Hani i Elezit – kampione për transparencë buxhetore
Tri komuna të udhëhequra prej kryetarëve nga radhët e Partisë Demokratike të Kosovës: Komuna e Drenasit, Komuna e Vushtrrisë dhe Komuna e Hanit të Elezit kanë arritur maksimumin prej 100 pikëve në Indeksin e Transparencës Buxhetore për vitin 2023, raport i përvitshëm i Institutit GAP që synon të rrisë llogaridhënien dhe qasjen e qytetarëve në informacionet buxhetore në nivel lokal.
I përgëzojmë kryetarët Ramiz Lladrovci, Ferit Idrizi dhe Mehmet Ballazhi për punën e mirë, përkushtimin dhe angazhimin në ndërtimin e besimit te qytetarët.
Këto komuna janë pasuar nga Komuna e Ferizajt që është vlerësuar me 95 pikë, si dhe ajo e Kaçanikut me 94 sosh, të cilat po ashtu janë ranguar lartë në këtë raport.
Për shkaqe teknike, Komuna e Mitrovicës, e Prizrenit dhe e Skenderajt nuk kanë qenë pjesë e gjetjeve të këtij raporti.
Ky është modeli qeverisës i PDK-së: transformues, zhvillimor dhe gjithëpërfshirës, i cili i duhet Kosovës edhe në nivelin qendror.
