Dëshmitë që i ka siguruar “Koha Ditore” flasin se dënimin e kryetarit të Nismës e kishte garantuar gjyqtari portugez i EULEX-it, Manuel Soares. Ai ishte kryetar i trupit gjykues.

Soares, madje, në një ndejë, në një klub të Prishtinës, ua kishte thënë kolegëve të tij të EULEX-it se do ta dënonte Limajn ende pa e marrë lëndën në shqyrtim.

Dënimi i Fatmir Limajt ishte parë si mundësi ideale për prishjen e koalicionit LDK, AAK dhe Nisma, por alarmin për njëanshëmri të trupit gjykues dhe ndërhyrje politike fillimisht e kishte dhënë një zyrtar ligjor i EULEX-it, i cili e kishte njoftuar për këtë edhe avokatin e Limajt, Karim Khan.