PD proteston sot përpara Parlamentit kundër qeverisë
Partia Demokratike do të zhvillojë sot protestën e radhës. Kjo është protesta e 3 e opozitës brenda një harku kohor prej 2 javësh që prej protestës së 8 dhjetorit përpara kryeministrisë dhe asaj të 17 dhjetorit përpara Parlamentit.
Lajme
Edhe sot qytetarë dhe mbështetës së opozitës do të mblidhen në orën 10:00 përpara Parlamentit për të protestuar kundër qeverisë, në të njëjtën kohë kur edhe do të zhvillohet seanca e fundit plenarë për këtë vit.
Protesta e cila do të organizohet sot, fillimisht ishte parashikuar që të zhvillohej si një dubim masiv përpara kryeministrisë, por plani i demokratëve ndryshoi duke e kthyer atë në një protestë kryesisht të rinjsh.
Përfaqësues të kësaj force politike nga selia blu i kanë bërë thirrje të gjithë të rinjve që ti bashkohen protestës së sotme përpara Parlamentit.
Ndërkaq, nga ana e policisë së shtetit janë marrë masat për mbarëvajtjen sa më mirë të protestës.
Kështu duke filluar nga ora 01:00 e mëngjesit të ditës së hënë nuk do të lejohet parkimi i automjeteve deri në përfundim të protestës në rrugët e mëposhtme:
- Rruga “George Bush” ( nga Ura e Elbasanit – kryqëzimi tek sheshi “Sulejman Pasha”
- Bulevardi “Dëshmorët e Kombit (nga e Ish Hotel Dajtit deri te kryqëzimi i rrugës “Murat Toptani”
- Rruga “Abdi Toptani” ( drejtoria e Burgjeve)
- Rrugica prane Infosoft tek ish-PD.
Gjithashtu në këto segmente rrugore, rruga “George Bush” ( nga Ura e Elbasanit – kryqëzimi tek sheshi “Sulejman Pasha” dhe rruga “Abdi Toptani” nuk do te lejohet kalimi i automjeteve duke filluar nga ora 08:00 deri në përfundimin të aktivitetit.
Rruga “Murat Toptani” për arsye sigurie do të jetë e bllokuar për qytetarët dhe protestuesit.
Policia thotë se do të ketë devijim të trafikut në shumë segmente rrugore.