Pastrohen nga bora rrugët e fshatrave të maleve të Berishës

Reshje të dendura të borës ka pasur sot në komunën e Malishevës.

Lajme

02/01/2019 17:57

Dendësia e borës ka qenë më e madhe në viset malore, ku në orët e mbrëmjes autoritetet lokale janë përkujdesur që t’i pastrojnë rrugët, njofton komuna, përcjell lajmi.net.

“Brenda mundësive që kemi, jemi duke i shfrytëzuar të gjitha kapacitetet në mënyrë që rrugët të jenë të qarkullueshme, pavarësisht borës dhe ngricave që po mbretërojnë sot. Të gjitha rrugët janë të kalueshme, përfshi edhe rrugët në fshatrat Tërpezë, Berishës, Fshati i Ri, e deri në Kleçkë”, ka deklaruar nënkryetari i komunës, Hajdin Berisha.

Siç thuhet në njoftim të gjitha rrugët janë të kalueshme, por tërhiqet vërejtja se në disa vende mund të ketë ngrica. /Lajmi.net/