Sonte do të përmbyllet faza e grupeve në Ligën e Kampionëve dhe kanë mbetur ende disa vende në dispozicion për rrethin e dytë të garës.

Më së nxehti do të jetë në Grupin F, por interesant do të jetë edhe në atë H. Të shkojmë me radhë me parashikimet tona të kryendeshjeve:

Grupi E

20:45 Chelsea – Steaua B

Chelsea e ka siguruar kualifikimin për në fazën eliminatore të Ligës së Kampionëve, mirëpo jo edhe pozitën e parë. Këtë do të mundohet ta arrijë sonte me fitore kundër Steaua Bukureshtit.

Në mënyrë që mos të varet nga rezultati i përballjes tjetër të këtij grupi, Chelsea duhet të fitojë dhe të jetë rehat.

Duke pasur parasysh kualitetet e kufizuara të kundërshtarit, nuk parashikohen probleme.

Parashikimi: Fitore e Chelseas

20:45 Schalke – Basel

Ndeshje shumë interesante dhe po aq e rëndësishme. Basel është aktualisht në pozitën e dytë me 7 pikë, një më pak se lideri Chelsea, por një më shumë se Schalke.

Kampioni i Zvicrës do të mundohet që së paku të nxjerr një barazim në Gjermani, por do të jetë shumë e vështirë kundër vendasve që do të kërkojnë asgjë tjetër përveç fitores.

Parashikimi: Fitore e Schalkes

Grupi F

20:45 Marseille- Dortmund

Olympique Marseille nuk ka asnjë pikë. Ekipi francez do të përshëndetet nga gara sonte kundër Borussia Dortmundit, kundërshtar që ka nevojë vetëm për fitore në mënyrë që të shpresojë në kualifikim të mëtutjeshëm.

Dortmund aktualisht gjendet në pozitën e dytë me 9 pikë, tri më pak se lideri Arsenal por me pikë të barabarta me Napolin.

Parashikimi: Fitore e Dortmundit

20:45 Napoli – Arsenal

Momenti i së vërtetës për Napolin, por edhe për Arsenalin që ende nuk është i sigurt. Skuadra italiane duhet të fitojë me tre gola epërsi në mënyrë që të sigurojë kualifikimin tutje.

Detyrë shumë e vështirë duke konsideruar kualitetin e skuadrës kundërshtare që edhe me një barazim do ta sigurojë pozitën e parë në grup.

Parashikimi: Barazim

Grupi H

20:45 Milan – Ajax

Milan duhet të barazojë ose fitojë në mënyrë që të sigurojë kualifikimin për në fazën eliminatore të Ligës së Kampionëve. Rossonerët ndeshen me Ajaxin, të cilit i duhet vetëm fitorja që të shkojë përpara në vend të gjigantit italian.

Mirëpo, Milan është favorit për të hyrë në mesin e 16 skuadrave më të mira në Evropë.

Parashikimi: Fitore e Milanit

20:45 Barcelona – Celtic

Barcelona e ka siguruar kualifikimin por ende jo edhe pozitën e parë. Për këtë i nevojitet edhe një pikë kundër Celticut tashmë të eliminuar.

Gjiganti katalan nuk është skuadër që kalkulon shumë andaj do të luajë për fitore.

Parashikimi: Fitore e Barcelonës

Katër grupe të Ligës së Kampionëve mbyllen sonte, dhe duelet që janë në program të zhvillohen sonte do të jenë vendimtare për një numër skuadrash që ende nuk e kanë siguruar kualifikimin tutje.

Si zakonisht, lajmi.net, ju sjell parashikimet e mundshme sa i përket epilogut të kryendeshjeve.

Grupi A

20:45 Manchester United – Shakhtar Donetsk

Manchester United e ka siguruar kualifikimin tutje, por kundërshtari i tyre Shakhtar Donetsk ende jo.

Andaj, skuadra ukrainase do të mundohet të shfrytëzojë krizën e gjigantit anglez dhe të kërkojë një fitore të madhe në Old Trafford, me çka do të kualifikohej tutje.

Por, United nuk guxon të humbet nga Shakhtar dhe të rrezikojë pozitën e parë në grup andaj pritet që t’i rezistojë kërcënimit.

Parashikimi: Barazim

20:45 Real Sociedad – Leverkusen

Real Sociedad është eliminuar por Bayer Leverkusen ka ende shpresa për kualifikim. Skuadra gjermane duhet të fitoj sonte dhe të shpresoj se Shakhtar Donetsk nuk triumfon në Old Trafford në mënyrë që të vazhdojë garën.

Mirëpo, asaj do t’i konvenojë edhe barazimi, përderisa Shakhtar nuk mposht Unitedin për shkak se ka bilanc më të mirë në përballjet direkte me skuadrën ukrainase.

Parashikimi: Fitore e Leverkusenit

Grupi B

20:45 Copenhagen – Real Madrid

Copenhagen është përshëndetur nga gara kurse Real Madrid, sipas parashikimeve, e ka siguruar kualifikimin dhe pozitën e parë në grup.

Ndeshja do të zhvillohet po thuajse vetëm për prestigj dhe do të veçohet për rikthimin e Cristiano Ronaldos nga lëndimi. Dhe, ky fakt është i mjaftueshëm që të presim fitore të mbretërve.

Parashikimi: Fitore e Realit

20:45 Galatasaray – Juventus

Nxehtë, shumë nxehtë do të jetë në Stamboll. Galatasarayt i nevojitet vetëm fitorja kurse Juventus do të kalojë tutje edhe me një barazim.

Dhe, duke pasur parasysh këtë pritet një ballafaqim shumë interesant dhe jashtëzakonisht i nxehtë. Skuadrat luajtën baras 2:2 në takimin e mëhershëm në Torino, dhe lehtë mund të ndodhë që të barazojnë edhe sonte.

Parashikimi: Barazim

Grupi D

20:45 Bayern M – Man City

Bayern Munich pret Manchester Cityn, të dy skuadrat e kualifikuara nga Grupi D. Por, anglezët do të kenë rastin të fitojnë grupin nëse arrijnë të triumfojnë në Allianz Arena me më tepër se tre gola epërsi.

E pamundur? Ndoshta edhe po duke marr parasysh fuqinë e Bayernit, formën e mirë dhe faktin se Manuel Pellegrini ka njoftuar se do t’i pushojë disa prej futbollistëve kryesorë për duelin me Arsenalin në Premierligë të shtunën.

Parashikimi: Fitore e Bayernit

Xhiroja e pestë – e parafundit – e fazës së grupeve në Ligën e Kampionëve mund të jetë vendimtare për fatin e shumë skuadrave, sa i përket kalimit tutje.

Ndeshjet që janë në program të zhvillohen sonte nga Grupet E, F, G, dhe H, mund të sjellin emra të tij të pjesëmarrësve të fazës eliminatore të garës elite të klubeve. Si zakonisht, ju sjellim skenarët dhe epilogun e kryendeshjeve:

Grupi E

Pas humbjes së befasishme nga zviceranët në ndeshjen e parë të grupit në Stamford Bridge, Chelsea kërkon hakmarrje por edhe kualifikimin tutje, edhe pse atë mund ta arrijë edhe me një barazim.

Skuadra e Jose Mourinhos fitoi tri duelet e radhës dhe tani është në prag të kualifikimit, çështje të cilën Special One ka kërkuar të zgjidhet sonte.

Parashikimi: Fitore e Chelseas

Grupi F

Arsenal – Marseille

Arsenali kryeson me 9 pikë dhe me një fitore sonte kundër Olympique Marseille do të bëjë një hap të madh drejt kualifikimit për në fazën eliminatore të garës.

Madje, skuadra londineze do të kalonte tutje në rast të fitores dhe nëse dueli tjetër mes Borussia Dortmundit dhe Napolit përfundon në barazim.

Por, kjo është tjetër çështje. Marseille është në kuotën e zero pikëve por është skuadër që nuk duhet të nënçmohet dhe Arsene Wenger e di këtë mjaft mirë.

Por, me skuadër më kualitative në dispozicion dhe faktin se luajnë në shtëpi, Arsenali është favorit absolut

Parashikimi: Fitore e Arsenalit

Borussia Dortmund – Napoli

Borussia Dortmund është në një moment kritik pas tri humbjeve të njëpasnjëshme – një në Ligën e Kampionëve dhe dy në Bundesligë – andaj skuadra e trajnerit Jurgen Klopp duhet të reagojë në mënyrë që të mbajë gjallë ëndrrën evropiane.

Finalisti i edicionit të kaluar të garës ka gjashtë pikë, tri më pak se lideri Arsenal dhe kundërshtari i tyre, Napoli. Andaj, sonte i kryen punë vetëm fitorja.

As Napoli nuk është në seri fort më të mirë se Dortmund dhe ka pësuar humbje të njëpasnjëshme në Serie A nga Juventus dhe Parma.

Parashikimi: Fitore e Dortmundit

Grupi H

Ajax – Barcelona

Barcelona është kualifikuar për në fazën eliminatore të garës dhe i mjafton edhe një barazim nga ky takim në mënyrë që ta sigurojë pozitën e parë në grup.

Por, gjiganti katalan – pavarësisht mungesës së Lionel Messit të lënduar – do të luajë si zakonisht për fitore, edhe pse Ajax ka bilanc pozitiv në shtëpi dhe do të mundohet të paraqitet më mirë se në Nou Camp ku humbi me rezultat të thellë 4:0.

Parashikimi: Fitore e Barcelonës

Celtic – Milan

Milani është duke kaluar një periudhë të errët. Së paku në Serie A ku gjenden në pozitën e 13-të me 14 pikë.

Rossonerët mund ta sigurojnë kualifikimin në rast të fitores ndaj Celticut në udhëtim dhe nëse Ajax nuk arrin të fitojë kundër Barcelonës.

Mirëpo, Celtic në shtëpi është skuadër e transformuar dhe do të mundohet të shfrytëzojë formën e dobët të Milanit dhe të kërkojë fitoren që do t’ia ngjallte shpresat për kualifikim tutje. Dueli do të jetë i hapur, të dyja ekipeve u nevojitet fitorja.

Parashikimi: Barazim