Kandidati për Kryetar të Veriut të Mitrovicës nga radhët e “Listës Serbe”, Krstimir Pantic, heziton të pranojë rezultatet e zgjedhjeve në këtë komunë.

Ai ka shprehur shqetësim për faktin se numërimi i fletëvotimeve është bërë në Qendrën e Numërimit dhe Rezultateve, e jo në tri qendrat e votimit në Veri të Mitrovicës.

“Me vetë faktin se anëtari i Komisionit Qendror të Zgjedhjeve (KQZ), Nenad Rikalo pati shfaqur shqetësimin për validitetin e votave, pasi që ato janë dërguar në Prishtinë, mjafton të na japë arsye që të dyshojmë për rezultatin e këtyre zgjedhjeve”, ka thënë Pantic, raporton agjencia serbe Beta.

“Materiali zgjedhor ka qenë jashtë kontrollit në më shumë se 4 orë, gjë që na bënë të dyshojmë në rregullsinë e zgjedhjeve. Nuk ka pasur asnjë arsye që fletëvotimet të numërohen në Mitrovicë”.

Sipas OSBE’së, materiali zgjedhor është dërguar në Qendrën e Numërimit në Fushë Kosovë.