Një shpërthim raportohet të ketë ndodhur në Zubin Potok para disa orësh.

I njëjti ka dëmtuar një kanal të Ibër Lepencit dhe shkaktuar derdhje të pakontrolluar uji në atë zonë.

Nga ajo se çka po raportohet, dyshohet që shkak i shpërthimit të kenë qenë hedhja e ndonjë dinamiti e që krejt kjo ka dyshohet të ketë qenë edhe e qëllimshme.

Lajmin e ka konfirmuar zëvendës drejtori i policisë për rajonin e veriut, Veton Elshani.

“Po, është dëgjuar një shpërthim në kanalin e ujit dhe ekipet policore janë duke punuar që sa më shpejtë ta ndriçojnë rastin”, ka thënë Elshani.

Ndërkaq, shpërthimi i kanalit në Zubin Potok rrezikon funksionimin e KEK-ut dhe furnizimin e qytetarëve të Mitrovicës me ujë.

Bashkëngjitur disa pamje nga vendi i ngjarjes pak kohë pas shpërthimit: