Pamje nga rihapja e kufirit me Shqipërinë
Sot zyrtarisht është bërë rihapja e pikës kufitare në Vërmicë.
Lajme
Qeveria në detyrë e Kosovës, gjatë së dielës ka marrë vendim për rihapjen e kufijve tokësorë me Shqipërinë, Maqedoninë e Veriut, Malin e Zi dhe Serbinë.
Gjatë mëngjesit të sotëm është rihapur edhe pika kufitare me Shqipërinë, në Vërmicë, shkruan lajmi.net.
Ekipet e Policisë së Kosovës dhe ato të Doganës janë duke realizuar në përpikëri hapjen e kësaj pike kufitare.
Tashmë qytetarët do të mund të kalojnë përmes kësaj pike kufitare që lidh Kosovën me Shqipërinë mirëpo, ata duhet t’i ndjekin disa rregulla.
Lexo edhe:
Këto janë rregullat që duhet ndjekur për të kaluar në pikat kufitare të Kosovës
Përmes pamjeve vërehet se ka mjaftë qarkullim, teksa duhet përkujtuar që vendimi për hapjen e pikave kufitare u morë në mbledhjen e mbrëmshme që pati Qeveria në detyrë.
Pikat kufitare të cilat janë rihapur sot janë: Merdare, Vërmicë, Kullë, Hani i Elezit, Dheu i Bardhë dhe Jarinje.
Thekësojmë se Kosova kishte marrë vendim për mbylljen e kufijve më 13 mars të këtij viti, kur edhe u regjistruan rastet e para me koronavirus në kuadër të shumë masave parandaluese kundër përhapjes së pandemisë me COVID-19. /Lajmi.net/