Të Infektuar: 37.028

Të Shëruar: 22.690

Të Vdekur: 963

Pa baballarë por të buzëqeshur rreth sofrës – Historia e familjes Beqaj që qëndroi refugjate në Shqipëri

23:33 | 31 Tetor 2020

Nëntë fëmijët e familjes Beqaj ishin kthyer nga Shqipëria, baballarët e të cilëve iu vranë në Mejë.

Nuk iu mungon buzëqeshja.

E në mungesë të baballarëve, 9 fëmijët e familjes Beqaj nga fshati Rracaj realizuan këtë fotografi 5 ditë pasi u kthyen nga Shqipëria.

Atje bashkë me nënat e gjyshen kishin qëndruar refugjatë.

Arbnori, i cili ishte 9 vjeçar në momentin kur ishte realizuar fotografia, rrëfen historinë e saj.

Arbnori, i cili ende e ka të zhdukur vëllain në luftë, përshkruan edhe imazhin e shtëpive të familjes, pas kthimit.

 

Ai tregon se shumica nga fëmijët në fotografi, tash si të rritur jetojnë jashtë vendit.

Për të siguruar ushqimin për sofrën e familjes Beqaj, që pas lufte kishte mbetur në fëmijë e gra pasi disa nga burrat ishin vrarë e disa ishin zhdukur në Masakrën e Mejës, më së shumti vështirësi patën nënat.

Kështu pohon, Shpresa Beqaj e cila thotë se pos kësaj, ata vazhdimisht u kanë dhënë shpresa fëmijëve se do të kthehen gjallë burrat e shtëpisë.

Për të dita më e rëndë në jetën e saj, ka qenë ajo kur i kanë kthyer të vdekur familjarët.

Ata shprehen të zhgënjyer me punën e institucioneve dhe angazhimin e tyre për të qëndruar pranë familjeve të prekura nga lufta.