Kandidati i Partisë Demokratike të Kosovës për Kryetar të Gjilanit, Qemajl Mustafa, njëjtë si rivali i tij, ka shpallur fitoren në këtë qytet.

Ai tha për Klan Kosova se të dhënat e para janë premtuese për PDK’në.

“Një koalicion qytetar jo i shpallur zyrtarisht ka punuar gjatë këtyre javëve të fundit shumë natë e ditë për ta mundur atë konceptin tjetër i cili nuk është premtues”.

“Ky qytet nuk meriton ndryshe. Unë shumë besoj që  kjo qytetari me shumicë progresive, e moderuar, tolerante e shumë punëtore, sot do t`i japim lamtumirën LDK`së”.

“Do të shohim, ende rezultate preliminare nuk i kemi. Kemi jashtëzakonisht  të dhëna inkurajuese nga fshatrat tona të mëdha dhe të vogla kështu që në fshatra do ta mundim jashtëzakonisht shumë LDK`në”.

“Shumë shpresoj se do t`i themi lamtumirë Lidhjes Demokratike të Kosovës”.

“Shumë dyshoj që atij (Lutfi Hazirit) i ka funksionuar sot abuzimi me votën edhe pse ka tentuar”.

“Ai ka dalë dhe është sorollatur nëpër të gjitha qendrat e votimit nëpër fshatra dhe qytet për ta ndikuar votuesin”.