Këto parti po zotohen se nuk do të lejojnë funksionimin e rregullt të institucioneve derisa kryeministri i Kosovës, Isa Mustafa, nuk e tërheq nënshkrimin nga marrëveshjet e arritura në Bruksel.

Sekretari i Përgjithshëm i Lëvizjes Vetëvendosje, Dardan Molliqaj, ka deklaruar për Tribuna Channel se nuk ka kuptim të vazhdojë funksionimi i rregullt i institucioneve të Republikës së Kosovës derisa është i rrezikuar shteti i Kosovës. Për këtë arsye ai thotë se kanë vendosur që të bojkotojnë mbledhjet e Kryesisë së Kuvendit, por në të njëjtën kohë nuk do të lejojnë zhvillimin e seancave plenare në Kuvendin e Kosovës./Tribuna Channel