Operacione plastike për t’i ngjarë Justin Bieber
Një mashkull 33 vjeçar ka shpenzuar pesë vjet dhe 100 mijë dollarë, për t’u dukur sikur heroi i tij, pop idoli i adoleshentëve, Justin Bieber. Toby Sheldon është një tekstshkrues nga Los Angeles, i cili i ka përdorur karakteristikat rinore të Bieber, si inspirim për një numër intervenimesh kirurgjike, përfshirë këtu mbushjet në fytyrë, reduktim…
![](https://lajmi.net/wp-content/uploads/media/image/201401/full/Justin-Bieber2.jpg)
ShowBiz
Një mashkull 33 vjeçar ka shpenzuar pesë vjet dhe 100 mijë dollarë, për t’u dukur sikur heroi i tij, pop idoli i adoleshentëve, Justin Bieber.
Toby Sheldon është një tekstshkrues nga Los Angeles, i cili i ka përdorur karakteristikat rinore të Bieber, si inspirim për një numër intervenimesh kirurgjike, përfshirë këtu mbushjet në fytyrë, reduktim i mjekrës dhe kirurgji në qepalla.
“Kur Justin Bieber u bë i famshëm, unë isha xheloz nga dukja e tij e mirë! Ai e ka atë fytyrë bebe, të cilën unë vërtetë e pëlqeja”, deklaroi ai.
– “Disa njerëz blejnë vetura apo pallate të shtrenjta. Kurse, unë me paratë e mia bëra operime, që të dukesha më shumë si Justin Bieber”, vazhdoi ai.
Obsesioni i Sheldon kishte nisur kur ai filloi të kishte tretmane për ndalimin e rënies së flokëve, kur ishte 23 vjeç, por ato u shtuan kur në skenë doli Bieber në vitin 2008.
“Kur Justin filloi të bëhej i famshëm, fytyra e tij ishte çdokund dhe krejt çka mendoja kur e shihja atë fotografi ishte: dua të dukem si ai”, rrëfen Sheldon.
Ai i ka shpenzuar tashmë 8,000 dollarë në transplantimin e flokëve, që të duken më të bardhë, por ai nuk ishte i kënaqur me rezultatet.
Ai e mori fotografinë e Bieber tek qendra e intervenimeve plastike, për t’ua demonstruar mjekëve se si ekzakt dëshiron të duken flokët e tij. “Unë i bëra tri transplantime dhe në total shpenzova 21,000 dollarë për flokët e mi”, vijoi ai.
Sapo e arriti stilin perfekt të flokëve të Bieber, Sheldon, i cili e pranon se ka frikë nga plakja, thotë se tash ndihet mjaft mirë.
“Duke e përdorur sharmin e ‘baby face’ të Justin si inspirim timin, kam qenë në gjendje ta rindërtoj tërësisht dukjen time dhe të dukem më i ri, pas intervenimeve plastike”, thotë ai. – “Tash dukem vërtetë sikur Justin dhe nuk mund të isha më i lumtur se aq”.
Sheldon thotë se e admiron dukjen e shkëlqyeshme rinore të Bieber, por jo domosdoshmërisht edhe muzikën që e bën këngëtari kanadez. Pas renovimit të suksesshëm të flokëve, Sheldon i përmirësoi edhe fytyrën dhe buzët, për t’u dukur më i ri.