Manchester United është i gatshëm t’i ofrojë mesfushorit Toni Kroos një pagë prej 260 mijë funtesh në përpjekje për ta bindur të transferohet në Old Trafford në fund të këtij sezoni.

Edhe pse menaxheri David Moyes ka pranuar se do ta ketë vështirë të bind 24-vjeçarin të largohet nga Allianz Arena, strategu skocez ende beson se Kroos mund të përfundojë tek gjiganti anglez.

Wayne Rooney është aktualisht futbollisti më i paguar në United me pagë prej rreth 300 mijë funtesh në javë, dhe oferta për Kroosin do ta vendoste atë në mesin e më të paguarve së bashku me Rooneyn dhe Robin van Persien.

Kroos është duke konsideruar opsionet e tij dhe ende nuk e ka vazhduar kontratën me Bayernin që do t’i skadojë në verën e vitit 2015.

United ka dështuar në edicionin e parë të Moyesit por klubi vazhdon të paraqet joshje për shumë futbollistë të mëdhenj dhe Kroos mund të jetë një prej atyre që vendos të vazhdojë karrierën në Premierligë.