Ka përfunduar takimi në mes Lazios dhe Interit, në kuadër të xhiros së 32 në Serie A.

Interi ka marrë një fitore të madhe në shtëpi ndaj Lazios, pasi e përmbysi 3:1, shkruan lajmi.net.

Me këtë fitore ekipi i Simone Inzaghi futen në Top4.

‘Nerazzurri’ fillimisht kaloi në epërsi me Henrik Mkhitaryan, por VAR e anuloi për pozicion jashtë loje.

Më pas Lazio morën frenat e lojës dhe ndëshkuan Interin.

Në minutën e 30′ shënoi Felipe Anderson.

Ndeshja më pas u konkretizua me raste të tjera nga të dy ekipet, por gola nuk pat.

Pjesa e parë u mbyll 1:0 në favor të mysafirëve.

45 minutat e dytë ishin të ‘nxehtë’ me Interin që përmbysën Lazion.

Lautaro Martinez fillimisht barazoi shifrat në 1:1.

Më pas në të 83′ ishte Robin Gosens që realizoi nga afërsia dhe kaloi në epërsi Interin.

Në minutat e fundit të ndeshjes Lautaro tundi edhe njëherë rrjetën e mysafirëve dhe vulosi dilemën e fituesit.

Me këtë fitore ‘Nerazzurri’ ngjiten në vendin e katërt, me 57 pikë.

Lazio në anën tjetër mbajnë vendin e dytë me 61 pikë gjithsej./Lajmi.net/