Nuk votohen Rezolutat për presidentin dhe dështimet e politikës së jashtme të Kosovës

Kuvendi i Kosovës po vazhdon me punime e seancës plenare.

Lajme

19/06/2019 11:31

Në rend dite të kësaj seance ishte edhe votimi i Propozim-rezolutës nga debati parlamentar lidhur me angazhimet e Presidentit të Kosovës për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë, shkruan lajmi.net.

Mirëpo, Rezoluta në fjalë nuk u votua nga deputetët e pranishëm.

E njëjta mori vetëm 24 vota, pro, dy kundër dhe dy abstenime.

Vota nuk mori as propozim-rezoluta nga debati lidhur me dështimet dhe skandalet në politikën e jashtme të Republikës së Kosovës.

E njëjta mori vetëm 23 vota pro dhe dy abstenime. /Lajmi.net/