Ka përfunduar koha e rregullt në çerekfinale të Kupës së Mbretit.

Pas 90 minutave lojë derbi i Madridit u mbyll pa fitues, me rezultat të barabartë 1:1, shkruan lajmi.net.

Pjesa e parë në këtë takim nuk dhuroi lojë intensive.

Real Madridi krijuan mundësi, por në shumicën e aksioneve loja e tyre ishte mjaft e lexueshme nga kundërshtarët.

Atletico Madrid gjithashtu kërkonin golin, duke e gjetur në minutën e 19’.

Pas një mos koordinimi të mirë nga ‘Mbretërit’, nga pesëmetërshi realizoi Alvaro Morata.

Reali në pjesë e parë nuk arritën të barazojnë, kështu përfundoi 1:0 në favor të ‘rojiblancos’.

Pjesa e dytë më e mirë ishte për Real Madridin.

Ata filluan ta kontrollojnë ndeshjen dhe të kërkonin me ngulm golin e barazimit.

Po rridhte minuta e 79’ kur pasi Rodrygo dribloi lojtarët e Atleticos shënoi një supergol.

Kështu braziliani barazoi shifrat në 1:1.

Reali ishin të rrezikshëm në disa raste edhe me sulmuesin e tyre, Karim Benzema, por francezi nuk u tregua i saktë.

‘Topi i Artë’ kishte mundësi të artë, duke goditur bukur drejt portës së Atleticos, por bukur priti edhe Jan Oblak.

Mysafirët në anën tjetër po tentonin me kundërsulme që ta rrezikonin portën e Thibaut Courtois.

Antoine Griezmann kishe mundësi të mirë, njëherë ia priti Thibo, kurse në rastet e tjera goditi jashtë.

Ndeshja në kohën e rregullt u mbyll pa fitues./Lajmi.net/