Ambasada Amerikane përmes një njoftimi, i ka informuar qytetarët amerikanë që duan të riatdhesohen në Shtetet e Bashkuara të Amerikës në këtë kohë pandemie, shkruan lajmi.net.

Kjo ambasadë, ka publikuar një link, në të cilin qytetarët që duan të riatdhesohen në SHBA, mund të shohin përmes regjistrimit nëse ka fluturime të tjera për atje.

Sipas ambasadës, tashmë dy fluturime veçse janë realizuar.

“Të gjithë në Ambasadë dhe në Seksionin Konsullor shpresojnë që të gjithë të qëndroni të sigurt dhe të shëndetshëm, dhe gjatë kësaj kohe pasigurie të kujtoni se çfarë është e rëndësishme në jetë, si familja”, thuhet në njoftim. /Lajmi.net/