Një person lëndohet nga rryma në vendin e punës në Gjilan
Një punëtor ka pësuar lëndime trupore derisa kishte qenë duke punuar në një objekt banesor në rrugën “Marie Shllaku” në Gjilan.
Lajme
Një punëtor ndërtimi ka pësuar lëndime trupore derisa kishte qenë duke punuar në një objekt banesor i cili është në ndërtim e sipër, në rrethana të panjohura ka rënë në kontakt me energjinë elektrike.
Viktima është dërguar për tretman mjekësor në emergjencën e spitalit rajonal në Gjilan, e më pas edhe në QKUK dhe mbetet në tretman mjekësor, përcjell lajmi.net.
“Viktima mashkull K/Shqiptar-punëtor ndërtimi derisa kishte qenë duke punuar në një objekt banesor i cili është në ndërtim e sipër, në rrethana të panjohura ka rënë në kontakt me energjinë elektrike dhe kishte pësuar lëndime trupore në pjesë të ndryshme të trupit. Viktima është dërguar për tretman mjekësor në emergjencën e spitalit rajonal në Gjilan, e më pas edhe në QKUK dhe mbetet në tretman mjekësor. Njësitë policore, prokurori i shtetit, dhe Inspektorët e punës kanë dalë në vendin e ngjarjes dhe rasti është duke u hetuar”. /Lajmi.net/