Një muaj paraburgim ndaj të dyshuarit për vrasjen në Marmull të Gjakovës
Gjykata Themelore në Gjakovë i pacaktuar masën prej një muaj paraburgim për Alfred Gjugjën i cili vrau Tunë Bezhin dhe plagosi Anton Nikollën.
Lajme
Të martën në fshatin Marmull të Gjakovës ka ndodhur një ngjarje tragjik për shkak të një konflikti pronësor, raporton lajmi.net.
Për shkak të këtij problemi, 30-vjeçari Alfred Gjugja kishte qëlluar me automatik në drejtim të Anton Nikollës dhe Tunë Bezhit, me ç’rast ky i fundit nuk ka mundur t’i mbijetojë plagëve të marra dhe ka ndërruar jetë.
Sot Gjykata Themelore në Gjakovë, departamenti për Krime të Rënda i ka caktuar masë paraburgimi prej një muaji, të pandehurit A.Gj me kërkesë të Prokurorisë Themelore, i cili me dashje ka privuar nga jeta tani të ndjerin T.B. dhe ka rrezikuar jetën e personave tjerë të pranishëm A.N., Z.K. dhe L.B., ku si shkak i këtyre veprimeve dyshohet të jetë një mosmarrëveshje pronësore që i ndjeri T.B. kishte me të pandehurin.
Sipas njoftimin për media nga kjo gjykatë, i pandehuri A.Gj. dyshohet se më 12 mars 2019 rreth orës 18:30 në fshatin Marmull të Komunës së Gjakovës, me dashje ka privuar nga jeta tani të ndjerin T.B. dhe ka rrezikuar jetën e personave tjerë të pranishëm A.N., Z.K. dhe L.B., ku si shkak i këtyre veprimeve dyshohet të jetë një mosmarrëveshje pronësore që i ndjeri T.B. kishte me të pandehurin.
“Po ashtu i pandehuri A.Gj. dyshohet se i shkaktoj lëndime të rënda trupore të dëmtuarit A.N. në atë mënyrë që i dëmtuari A.N. me qëllim që ta ndaloj të pandehurin, i del përpara me ç ‘rast i njëjti shkrep një plumb në drejtim të të dëmtuarit duke e goditur në këmbën e majte dhe pasi i dëmtuari rrëzohet në tokë e sulmon me kondak të pushkës në kokë duke i shkakton lëndime të rënda trupore. Me këto veprime dyshohet se i pandehuri A.Gj. ka kryer tri vepra penale, vrasje e rëndë nga neni 179 paragrafi 1 nën paragrafi 1.5, veprën penale lëndim i rëndë trupor nga neni 189 paragrafi 5 dhe veprën penale mbajtja në pronësi, kontroll ose posedim të pa autorizuar të armëve nga neni 374 paragrafi 1 të Kodit Penal të Republikës së Kosovës (KPRK). I pandehur do të mbahet në paraburgim në kohëzgjatje prej një muaji, i cili do të llogaritet prej kohës së arrestimit më 12 mars 2019 dhe do të zgjasë deri më 11 prill 2019”, thuhet në njoftim.
Ndërkaq, po ashtu thuhet se gjyqtari i procedurës paraprake, ka vlerësuar se janë përmbushur kushtet ligjore për caktimin e masës së paraburgimit për të pandehurin në fjalë dhe e ka aprovuar si të bazuar kërkesën e prokurorit të shtetit për caktimin e masës së paraburgimit kundër të pandehurit, konform dispozitave të Kodit të Procedurës Penale të Republikës së Kosovës dhe të njëjtit i është caktuar masa e paraburgimit në kohëzgjatje prej një muaj. /Lajmi.net/