Një autokolonë e NATO-s goditet nga një atentat kamikaz

Një kamikaz ka shpërthyer automjetin e tij gjatë kalimit të një autokolone të NATO-s në Kabul, shenjë e paqëndrueshmërisë së vazhdueshme në Afganistan, dy javë pas marrjes spektakolare të Kunduzit.

Bota

12/10/2015 09:39

Ky atentat kamikaz, kryer në qendër të kryeqytetit afgan, plagosi të paktën tre civilë, përfshirë dhe një bebe.

Një bilanc relativisht i lehtë duke marrë parasysh intensitetin e shpërthimit. Nën efektin e shpërthimit, një automjet i blinduar ka dalë nga rruga.

“Një kamikaz shpërtheu automjetin e tij të mbushur me eksploziv në sektorin Joy Shir, në Kabul”, deklaroi Ministria e Brendshme.

“Shënjestër ishte një autokolonë e forcave të huaja”, shtoi i njëjti burim.

Zona u rrethua menjëheë nga forcat e sigurisë dhe forcat e NATO-s, ndërkohë që ambulanca të shumta mbërritën në vendngjarje, sipas një fotografi.

“Ministria e Brendshme dënoi ashpër atentatin kamikaz që plagosi tre civilë”, shtoi ministria./ ATSH