Një 13-vjeçar në Sarandë dërgohet pa shenja jete në spital, policia nis hetimet
Një ngjarje e rëndë është shënuar në orët e para të mëngjesit të sotëm në Sarandë, ku një 13-vjeçar është dërguar pa shenja jete në Spitalin e Sarandës.
Lajme
Një fëmijë 13 vjeç është paraqitur pa jetë në spitalin e Sarandës rreth orës 7.30 të mëngjesit.
Djali nga Delvina e kishte kaluar natën jashtë në plazhin e Lukovës me një grup shokësh, në çadra.
Në mëngjes shokët e kane gjetur pa ndenja dhe kanë njoftuar familjen, raporton Top Channel.
Djali është transportuar nga një i afërm në spitalin e Sarandës por mjekët kanë konstatuar vdekjen.
Djali sipas kreut të spitalit të Sarandës nuk kishte shenja në trup dhe shkaqet e vdekjes së tij janë duke u hetuar.