Deri më tani janë gjetur trupat e pajetë të 16 personave, kryesisht të nxjerrë mbi sipërfaqe, ndërsa kërkimet nënujore ishin të pamundura për shkak të motit të keq dhe mungesës së pajisjeve speciale për të nxjerrë trupat e mbetur nën ujë.   

Avioni “Airbus A320-200 ishte duke fluturuar nga Surabaya në Indonezi për në Singapor me 162 njerëz në bord, por u zhduk nga radarët e kontrollit ajrorë pak minuta pasi piloti kishte kërkuar të ndryshohen koordinatat e fluturimit QZ8510, për shkak të motit të keq.

Por pavarësisht një kërkim masiv pesë-ditore trup i avionit ende mungon. Zyrtarët indonezian kanë thënë se shumica e udhëtarëve ende mund të jetë brenda aeroplanit, disa prej copave të të cilit janë gjetur mbi sipërfaqe të detit, aty ku janë gjetur tashmë edhe trupat e 16 viktimave, në një zonë 5 kilometra katrorë.

Aeroplani, sipas zyrtarëve duhet të jetë me siguri në fund të detit, relativisht të cekët, në afërsi të Borneos, që është qyteti më i afërt vendit ku mendohet të jetë rrëzuar aeroplani. Ndërsa gjetja e “kutisë së zezë” do të ndihmojë të qartësojë misterin e asaj që ka ndodhur, e që shkaktoi rënien e aeroplanit nga qielli. /lajmi/net/