Ngjarjet e ditës së sotme në Kosovë
Sot në vendin tonë janë planifikuar të mbahen disa ngjarje.
Lajme
Këto janë ngjarjet e datës 28 janar:
09:00
Komisioni për Integrime Evropiane shqyrton Projektligjin për ndarjet buxhetore për buxhetin e Kosovës për vitin 2019; plotësim-ndryshimin e Kodit të Procedurës Penale etj. (Kuvendi i Kosovës, salla N302).
09:00
Kryeministri Ramush Haradinaj merr pjesë në hapjen e konsulencës pas Punëtorisë për Krijimin e Sistemit të Avancuar të Udhëtarëve. (Ndërtesa e Qeverisë).
09:30 – 11:40
Në ditën e 11-të të grevës në arsim, kryetari i SBAShK-ut, Rrahman Jasharaj, me anëtarë të Këshillit Qendror Grevist, do të vizitojnë komunën e Gjilanit.
Agjenda:
09:30 – ShFMU “Ibrahim Uruqi”, Bresalc
10:20 – I.P. “Ardhmëria 2”, Gjilan
11:00 – ShFMU “Selami Hallaqi”, Gjilan
11:40 – Gjimnazi “Zenel Hajdini”, Gjilan.
10:00
Mbahet shqyrtimi i parë në lidhje me aktakuzën për fryrjen e listave me “veteranë të rrejshëm”. (Gjykata Themelore e Prishtinës).
10:00
Mbahet takimi i Këshillit Ndërministror për Investime Strategjike, nën drejtimin e kryeministrit Ramush Haradinaj. (Ndërtesa e Qeverisë).
10:00
Ministria e Zhvillimit Ekonomik (MZhE) organizon takimin inaugurues të Fondit të Kosovës për Efiçiencë të Energjisë. Marrin pjesë: Valdrin Lluka, ministër i Zhvillimit Ekonomik; Natalya Apostolova, Udhëheqëse e Zyrës së BE-së në Kosovë dhe Marco Mantovanelli, Menaxher i Bankës Botërore për Kosovën. (Ndërtesa e MZhE-së).
10:00
Specialistët stomatologë të papunë do të protestojnë para ndërtesës së Qeverisë së Kosovës. (Para Qeverisë, Prishtinë).
10:00
Këshilli Prokurorial i Kosovës mban takimin e 161-të. (Objekti i Prokurorisë së Shtetit).
11:00
Nënshkruhet marrëveshja për njohjen e patentë-shoferëve ndërmjet Kosovës dhe Maqedonisë. Nënshkrimi bëhet nga ministrat e Punëve të Brendshme, Ekrem Mustafa, dhe Oliver Spasovski. (Ministria e Punëve të Brendshme).
11:00
Komisioni për Bujqësi, Pylltari, Zhvillim Rural, Mjedis e Planifikim Hapësinor shqyrton ndryshim-plotësimin e Ligjit për rregullimin e shërbimeve të ujit etj. (Kuvendi i Kosovës, salla N303).
12:00
Komisioni për të Drejtat, Interesat e Komuniteteve dhe për Kthim shqyrton Projektligjin për ndarjet buxhetore për Buxhetin e Kosovës për vitin 2019 etj. (Kuvendi i Kosovës, salla N302).
12:00
Komiteti Olimpik i Kosovës (KOK) organizon konferencë për medie me rastin e nënshkrimit të kontratave me gjashtë Shpresa Olimpike 2019. (Hotel “Sirius”, Prishtinë).
13:00
Komisioni për Punë të Jashtme, Diasporë dhe Investime Strategjike shqyrton Planin e Punës për vitin 2019. (Kuvendi i Kosovës, salla N10).
13:00
Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Planin e Punës për vitin 2019. (Kuvendi i Kosovës, salla N204).
14:00
Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban mbledhje. Mes tjerash shqyrtohet Plani i punës për vitin 2019. (Kuvendi i Kosovës, salla N303).
17:00
Rinia e Partisë Demokratike të Kosovës shënon 19-vjetorin e themelimit. (“Sheshi 21”, Prishtinë. /Lajmi.net/