Komisioni Ad-Hoc për Reformën Zgjedhore në Kosovë mban punëtori. (Hotel “Emerald”, Prishtinë, ora 09:00)
Ngjarjet e ditës së sotme
Gjatë ditës së sotme në Kosovë janë paraparë të zhvillohen disa ngjarje. Në kuadër të këtyre ngjarjeve do të diskutohet edhe Projektligji mbi ndarjet buxhetore për Buxhetin e Republikës së Kosovës për vitin 2023. Ngjarjet e ditës: Komisioni Ad-Hoc për Reformën Zgjedhore në Kosovë mban punëtori. (Hotel “Emerald”, Prishtinë, ora 09:00) Komisioni për Ekonomi, Industri, Ndërmarrësi…
Lajme
Gjatë ditës së sotme në Kosovë janë paraparë të zhvillohen disa ngjarje.
Në kuadër të këtyre ngjarjeve do të diskutohet edhe Projektligji mbi ndarjet buxhetore për Buxhetin e Republikës së Kosovës për vitin 2023.
Ngjarjet e ditës:
Komisioni për Ekonomi, Industri, Ndërmarrësi dhe Tregti shqyrton Planin Kombëtar të Radio – frekuencave. (Ndërtesa e Kuvendit, salla N10, ora 10:00)
Komisioni për Çështje të Sigurisë dhe Mbrojtjes e shqyrton Projektligjin për Pensionet e Zyrtarëve Policorë të Policisë së Kosovës dhe Punonjësit e Inspektoratit Policor të Kosovës me autorizime policor. (Ndërtesa e Kuvendit, salla N302, ora 10:00)
Oda e Farmacistëve të Kosovës organizon tryezën e diskutimit me temën “Legjislacioni në sektorin farmaceutik – Qasja në barna për pacientë”. (Hotel “Garden”, Prishtinë, ora 10:00)
Komisioni për Ekonomi, Industri, Ndërmarrësi dhe Tregti e diskuton Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit. (Ndërtesa e Kuvendit, salla N10, ora 11:00)
Komisioni për Çështje të Sigurisë dhe Mbrojtjes e diskuton Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit. (Ndërtesa e Kuvendit, salla N302, ora 11:00)
Komisioni për Mbikëqyrjen e Financave Publike e bën shqyrtimin e buxhetit të ZKA-së, i ndarë në Projektligjin nr. 08/L-193 mbi ndarjet buxhetore për Buxhetin e Republikës së Kosovës për vitin 2023. E ftuar: Vlora Spanca, Auditore e Përgjithshme. (Ndërtesa e Kuvendit, salla N204, ora 11:00)
Komisioni për Mjedis, Ushqim, Bujqësi, Planifikim dhe Zhvillim diskuton Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit. Të ftuar janë: Ministri i MMPHI-së prej orës 13:30 dhe Ministri i MBPZhR-së prej orës 15:00 (Ndërtesa e Kuvendit, salla N303, ora 13:00- 15:00)
Programi “Mbështetje në fuqizimin e menaxhimit të qëndrueshëm dhe shumëqëllimor të pyjeve për të përmirësuar jetesën në vendet rurale dhe për të adresuar ndryshimin klimatik në Kosovë”, bashkëfinancuar nga BE dhe Ambasada e Suedisë në Prishtinë dhe zbatuar nga FAO, do t’i dorëzojë Agjencisë Pyjore të Kosovës (APK) kontigjentin e parë të pajisjeve përfshirë gjashtë vetura fushore pick-up dhe pajisje për monitorim të pyjeve, kamera, GPS, dylbi. (Vendgjuetia me rëndësi të veçantë “Blinaja”, afër aeroportit të Pristinës, ora 14:00)
Komisioni për Administratë Publike, Pushtet Lokal, Media dhe Zhvillim Rajonal diskuton Projektligjin mbi ndarjet buxhetore për Buxhetin e Republikës së Kosovës për vitin 2023, për institucionet që janë në fushëveprim të Komisionit. (Ndërtesa e Kuvendit, salla N225, ora 16:00)
Instituti Demokraci për Zhvillim (D4D) organizon sallonin e radhës, me temën “Gratë në biznes – Sfidat dhe paragjykimet që ato përballen në mjedisin e biznesit?”. Merr pjesë dhe Arian Zeka, drejtor i Odës Ekonomike Amerikane etj. (Libraria “Dukagjini”, Prishtinë, ora 17:00)/Lajmi.net/