Ylli i PSG-së nuk ka mundur të përmbahet nga vendimi i gjyqtarit për akordimin e penalltisë në fund të ndeshjes kundër Manchester United, me ç’rast ‘Djajtë e Kuq’ siguruan kualifikimin në çerekfinale të garës elitare për klube të Evropës.

“Kjo është e turpshme”, ka shkruar Neymar, përcjell ‘lajmi.net’.

“Dhe UEFA ka zgjedhur katër djem që nuk dinë asgjë për futbollin për të shqyrtuar vendimet e VAR. Loja me dorë thjesht nuk ekzistoi”.

Braziliani nuk u ndal me kaq, duke vazhduar ofendimin ndaj gjyqtarëve.

Reagimi i UEFA-s kundër këtyre deklaratave ka ardhur sot, ku bëhet e ditur se do të kryhet një hetim rreth komenteve të Neymar, që mund të ketë shkelur rregulloret disiplinore të shtëpisë më të madhe të futbollit në Evropë./Lajmi.net/