Një aksident trafiku me pasojë fataliteti ka ndodhur në rrugën nacionale Mitrovicë – Prishtinë .

Lajmin për lajmi.net e ka konfirmuar zëdhënësi i policisë për rajonin e Mitrovicës, Avni Zahiti, i cili tha se aksidenti ka ndodhur në fshatin Doberllukë.

Tutje njoftoj se në aksident janë përfshirë një veturë dhe një kamion, ku si pasojë e lëndimeve të pësuara në aksident ka humbur jetën shoferi i veturës viktima rreth 60 vjeçar.

“Aksident trafiku me fatalitet Rreth orës 11:55,është raportuar për një aksident trafiku me pasojë fataliteti i shkaktuar në rrugën nacionale Mitrovicë – Prishtinë përkatësisht në fshatin Deberlluke. Në aksident janë përfshirë një veturë dhe një kamion, ku si pasojë e lëndimeve të pësuara në aksident ka humbur jetën shoferi i veturës viktima rreth 60 vjeçar. Njësitet përkatëse policore kanë dalë në vendngjarje dhe po zhvillojnë hetimet për aksidentin”, ka thënë Zahiti.

Ndërkaq personi i cili ka vdekur në vend është Agron Zhigolli i cili ishte shofer i veturës.

Siç njoftohet nga të afërm të tij, varrimi i të ndjerit do të bëhet nesër në vendlindjen e tij, në varrezat e fshatit Banjskë të Vushtrrisë në ora 13:30./Lajmi.net/