Nënshkruhet marrëveshja e rishikuar e paqes në Kolumbi
Presidenti i Kolumbisë, Juan Manuel Santos ka nënshkruar, të enjten, marrëveshjen e rë të paqes me lëvizjen më të madhe të rebelëve në vend me synimin për t’i dhënë fund armiqësive prej më shumë se gjysmë shekulli.
![](https://lajmi.net/wp-content/uploads/2016/11/174A647E-74B8-4E6F-8033-900C59BB1FFC_w987_r1_s-1.jpg)
Bota
Presidenti Santos dhe Rodrigo Londono, lideri i Forcave të Armatosura Revolucionare të Kolumbisë (FARC) nënshkruan një marrëveshje prej 310 faqesh në Teatrin historik Colon të Bogotas – pothuaj dy muaj pasi një marrëveshje fillestare u kundërshtua në referendum.
Pas nënshkrimit, ata shtrënguan duart dhe brohoritën “Po ne mundemi!”
Ceremonia e organizuar me nguti ishte një ngjarje shumë e thjeshtë dhe më e zymtë se sa ajo në shtator kur dy burrat nënshkruan marrëveshjen në praninë e një audience të liderëve të huaj dhe sekretarit të përgjithshëm të OKB-së, Ban Ki-Moon.
Në përleshjet disa dekadëshe në Kolumbi kanë vdekur mbi 260 mijë njerëz dhe mbi 45 mijë të tjerë janë të zhdukur