Në Paris u protestua për të drejtat e … |FOTO|
Qindra aktivistë për të drejtat e kafshëve e mbuluan trupin e tyre me gjak të rremë dhe bllokuan hapësirat publike në Paris për të protestuar kundër 'vuajtjes së kafshëve dhe konsumit të mishit.'
Fun
Protestuesti vegan e simuluan një ‘kasaphane në qiell të hapur’ në sheshin e Pallatit Mbretërorë në Paris gjatë së shtunes si pjesë e kampanjës së grupit të aktivistëve ‘269 Life’ pjesë e ngjarjeve për ditën botërore Ndalimi i Mishit, që ka filluar të shënohet që nga viti 2009.
Përderisa shumë aktivistë ishin shtrirë në shesh të mbuluar me ngjyrë të kuqe, një njeri ishte i varur në mes të tyre kurse në dy anët e tij qëndronin dy njerëz të tjerë të veshur si kasap, me qëllimin për të dhënë mesazhin e fuqishëm të kampanjës.
Deklarata në uebfaqen e organizatës shkruan:
“Qëllimi ynë është që të sjellim dhimbjen dhe tmerrin e kafshëve që ato përjetojnë çdo ditë të shtypur dhe në errësirë, në rutinën e jetëve tona të përditshme. Shumë njerëz janë të vetëdijshëm se si trajtohen kafshët, dhe ende vazhdojnë t’i injorojnë ‘krimeve’ që kryhen në emër të tyre, edhe pasi që i kanë parë faktet dhe pamjet e ndryshme.”
Këto ngjarje organizohen për të promovuar idenë për ‘ndalimin e prodhimit dhe konsumimit të mishit nga kafshët të cilat kanë aftësi ndjesie’. Ky grup ka bërë thirrje që prodhimi dhe konsumi i mishit të konsiderohet ilegal në aspektin e etikës. /lajmi.net