Kështu njofton Ministria e Mbrojtjes e Serbisë.

Stërvitja ndërkombëtare quhet “Logex 15” dhe do të zhvillohet në komandën qendrore të Forcave të Armatosura të Serbisë, nga data 4 deri më 15 maj.

Kjo stërvitje e përbashkët zhvillohet një herë në çdo dy vjet, në kuadër të partneritetit me NATO-n.

Ajo koordinohet edhe me ndihmën e Ushtrisë Amerikane.

Në këtë stërvitje do të marrin pjesë Shqipëria, Bosnjë-Hercegovina, Maqedonia, Kroacia, Mali i Zi, Finlanda, Moldavia dhe Suedia, pa harruar edhe vendin pritës.