Irani planifikon të hapë 150 qendra rehabilitimi që do të ndihmojnë personat e varur nga alkooli, ka bërë të ditur një zyrtar i lartë i ministrisë së shëndetësisë, duke pranuar se ekziston një numër i madh i njerëzve në vend që konsumojnë në mënyrë të paligjshme alkool, lajmi.net.

Alireza Norouzi që udhëheq me njësinë që ndihmon personat e varur nga droga, ka bërë të ditur se 150 qendrat e reja do ti ofrojnë tretman të veçantë dhe edukativ personave që janë të interesuar të heqin dorë nga alkooli.

Në fund të vitit 2013 autoritetet patën hapur qendrën e parë të rehabilitimit  në Tehran, kurse personat që përjashtohen nga ligji i bazuar në revolucionin islamik janë minoriteti i krishterë i Iranit. (lajmi.net)