Të Infektuar: 4307

Të Shëruar: 2095

Të Vdekur: 94

Në Drenas nuk do të rihapen çerdhet sot

7:58 | 1 Qershor 2020

Ndërtesa e Komunës së Drenasit

Komuna e Drenasit ka bërë të ditur se nuk do të rihapen sot çerdhet.

Pas Prishtinës, Gjakovës dhe Obiliqit, edhe Komuna e Drenasit ka reaguar për vendimin e qeverisë në detyrë për rihapjen e çerdheve, shkruan lajmi.net.

Kjo komunë ka njoftuar të gjithë prindërit që mos t’i dërgojnë fëmijët në çerdhe deri në një njoftim tjetër.

Kjo për shkak se komuna thotë se nuk ka pranuar ndonjë vendim zyrtar lidhur me hapjen e çerdheve private dhe publike.

Njoftimi i plotë i komunës, pa ndërhyrje:

Çerdhet në Drenas nuk hapen deri në një njoftim tjetër

Sot, Qeveria në detyrë përmes një konference për media, tha se çerdhet do të rihapen nga data 1 qershor, por me rregulla strikte.

Komuna e Drenasit, njofton të gjithë qytetarët, përkatësisht prindërit që mos t’i dërgojnë fëmijët në çerdhe deri në një njoftim tjetër!

Kjo për arsye se Komuna, në komunikimin zyrtar, ende nuk ka pranuar asnjë vendim lidhur me rihapjen e çerdheve publike dhe atyre private.

Komuna është në pritje të një vendimi ose qartësimi nga Ministria e Arsimit se si do të funksionojnë çerdhet dhe deri në marrjen zyrtare të një vendimi, çerdhet nuk do të hapen në Drenas.

Në konferencë të Qeverisë në detyrë, janë përmendur rregullat strikte për rihapjen e çerdheve, por ende ka nevojë për t’u qartësuar kjo gjendje se si do të hapen ato.

Të nderuar qytetarë/prindër, çerdhet do të rihapen këto ditë, por presim nga niveli qendror për më shumë detaje lidhur më përgatitjet.

Ju falënderojmë për mirëkuptim!. /Lajmi.net/