Superliga e Kosovës në futboll do të rikthehet në program këtë fundjavë me ndeshjet e javës së 10-të kampionale.

Federata e Futbollit e Kosovës në uebfaqen e saj ka publikuar edhe orarin kur do të zhvillohen pesë takimet e kësaj xhiroje, shkruan lajmi.net.

Për dallim nga ndeshjet e kaluara që janë zhvilluar nga ora 15:00, tani ndeshjet do të luhen nga ora 13:00.

Ndeshja me vëmendjen më të madhe është ajo që luhet në Podujevë mes Llapit dhe Dritës.

Në takimet tjera, Ballkani pret Lirinë, Gjilani luan si nikoqir me Fushë Kosovën.

Prishtina udhëton në Drenas te Feronikeli, ndërsa Malisheva është vendas kundër Dukagjinit.

Orari dhe çiftet e plota:

E premte:

Ballkani – Liria

E shtunë:

Gjilani – Fushë Kosova

Feronikeli ’74 – Prishtina

E diel:

Llapi – Drita

Malisheva – Dukagjini./Lajmi.net/