SG Ripdorf / Molzen, nga qyteti Uelzen u përball me rivalët e tyre të qytetit SV Holdenstedt II në 3. Kreisklasse, një nga ligat më të ulëta në sistemin gjerman.

Në ndeshjen e kaluar, lojtarët e Holdenstedt II kishin qenë në kontakt me një kundërshtar të infektuar me koronavirus. Ndërsa skuadra më vonë doli negative për virusin, lojtarët e Ripdorf nuk ndiheshin të sigurt për shkak të periudhës së infeksionit 14-ditor.

“Ne u përpoqëm të shtyjmë ndeshjen”, i tha ESPN bashkëpronari i Ripdorf, Patrick Ristow, transmeton lajmi.net. “Por Holdenstedt donte të luante”.

Nga frika e infeksioneve të mundshme me koronavirusin, disa lojtarë nuk dëshironin të dilnin në fushë. Por, në fund, Ripdorf ishte në gjendje të fuste shtatë lojtarë, numrin minimal të kërkuar për një ndeshje futbolli, për t’iu shmangur dënimit prej 200 eurove. /Lajmi.net/