Mbrojtësi ka qenë në prag të largimit për disa vite tani, por askush nuk i është afruar çmimit prej 80 milion €, transmeton lajmi.net.

Gazeta pohon se largimi i Koulibalyt këtë verë është shumë i mundshëm dhe një gjë të tillë po kërkon edhe klubi italian.

Presidenti i Napolit Aurelio De Laurentiis po kërkon që të ulë pagat e lojtarëve, veçanërisht nëse ata nuk arrijnë të kualifikohen në Ligën e Kampionëve.

Koulibaly është një nga lojtarët me pagën më të lartë në skuadër, pasi ai merr 11 milion € bruto në vit, që përfaqëson 10 përqind të pagave totale të Napolit..

Lojtarë të tjerë sikurse Nikola Maksimovic dhe Elseid Hysaj do të largohen si agjentë të lirë kur kontratat e tyre të skadojnë në qershor.

Në garën për Koulibaly, kanë qenë të interesuar klubet e mëdha evropiane sikurse Liverpool, Manchester United, PSG, Barcelona, Manchester City dhe Arsenal./Lajmi.net/