Burnley, ekipi që ka siguruar inkuadrimin në Premierligë, të hënën mbrëma e ngriti lart trofeun e Championship.

Skuadra angleze, pjesë e të cilës është edhe portieri i Kombëtares së Kosovës, Aro Muriq triumfoi 3:0 kundër Cardiff Cityt në shtëpi, shkruan lajmi.net.

“Gardiani” që përfaqëson Dardanët u aktivizua nga minuta e parë deri në të fundit në këtë ndeshje.

Muriq mori vëmendje në një rast gjatë ndeshjes kur e “turpëroi” kundërshtarin e tij me një lëvizje.

Portieri Muriq pranoi një top të kthyer nga bashkëlojtari i tij, ndërkohë që u vë në presion nga kundërshtari Davies i cili vrapoi t’ia rrëmbejë atij topin.

Megjithatë, përpjekja e Davies shkoi huq, për shkak se Muriq e kontrolloi mjaft mirë situatën, madje largoi topin duke e futur atë në mesin e këmbëve të lojtarit rival.

Muric ?#twitterclarets pic.twitter.com/ilw9H1zeca

— ‘ (@kosovo_49) May 8, 2023

Burnley pas 46 ndeshjeve në Championship është i pari me 101 pikë të grumbulluara./Lajmi.net/