Menaxheri i Chelseas, Jose Mourinho ka komentuar transferimin e mesfushorit Cesc Fabregas nga Barcelona.

Special One tregoi arsyet pse vendosi të blejë yllin spanjoll nga gjiganti katalan, gjatë këtij afati kalimtar të verës.

“Është përplot me përvojë si futbollist”, deklaroi Mourinho për faqen zyrtare të Chelseas.

“Nuk ka nevojë të adaptohet në Premierligë, e njeh mirë futbollin anglez”, u shpreh strategu portugez.

Fabregas u largua nga Barcelona, duke u rikthyer në Premierligë, ku krijoi statusin e yllit gjatë periudhës 2003-2011 sa ishte pjesë e Arsenalit.

“Ai është futbollist për të cilin kemi nevojë, jo vetëm për nga kualitetet si futbollist por edhe personaliteti i tij garues. Ai është futbollist në vitet më të mira të karrierës. Ai është futbollist që do të vjen dhe stërvitet për disa javë dhe menjëherë do të jetë i gatshëm të dëshmojë veten”, u shpreh Mourinho.