Tottenhami humbi 1:0 në ndeshjen e zhvilluar në Londër, lojë e cila i ka zbehur dukshëm gjasat e saja për kalim në çerekfinale, transmeton lajmi.net.

Pyetja e gazetarit se kur do ta shohin ‘Tottenhamin e vërtetë’, duket se e irritoi portugezin, për rrjedhojë u përgjigj: ‘’Çka nënkupton me Tottenhamin e vërtetë? Të lutem! Ne duhet t’u qëndrojmë besnikë djemëve pasiqë dhanë gjithçka nga vetja e tyre. Sa stërvitje i ka Lamela pas lëndimit? Zero! Ai u kthye drejt në lojë, duhet të kemi konsideratë’’, u shpreh 52-vjeçari.

Spurs momentalisht janë pa dy yjet e tyrë kryesorë, Harry Kane dhe Heung-min Son, të cilët vuajnë nga lëndimet.

Mungesat në sulm e vërenë qartë edhe mbrëmë pasiqë mungoi konkretizimi në disa raste të pastra për gol.

Ndeshja e ardhshme për skuadrën londineze do të jetë deri lokal kundër Chelseat në fundjavë, në kuadër të Premierligës. /Lajmi.net/