Mos e harroni çadrën, pasditja pritet me shi dhe borë
Temperaturat minimale vetëm ditën e hënë parashihen të lëvizin ndërmjet 5 deri 8 gradë selsius.
![](https://lajmi.net/wp-content/uploads/2019/03/am_1551722019-8293026-2.jpg)
Lajme
Sipas parashikimeve të meterologëve gjatë ditës së sotme, në pjesën e parë të ditës vlerat termike mbesin të larta, mirëpo gjatë ditës kjo situatë do të ndryshoj, sepse do të krijohen vranësirat e dendura dhe jostabile, të cilat në pjesën e dytë të ditës do të shoqërohen me reshje shiu, ndërsa me uljen e temperaturave gjatë natës, reshjet e shiut do të kalojnë në formë dëbore.
Temperaturat minimale vetëm ditën e hënë parashihen të lëvizin ndërmjet 5 deri 8 gradë Celsius, ndërsa maksimalet parashihen të arrijnë 11 deri 15 gradë.
Ndërsa nga e marta minimalet parashihen të lëvizin ndërmjet -2 deri 0 gradë Celsius, ndërsa maksimalet e ditës parashihen të lëvizin ndërmjet 4-7 gradë Celsius, transmeton lajmi.net.
Do të fryjë erë nga jugu dhe më pas nga pasditja e së hënës e tutje, era do ta ndërroj kahun, në drejtim të veriut dhe verilindjes shpejtësia e së cilës mundë të arrijë deri 18m/s. /Lajmi.net/