Në deklaratën e Komisionares së Lartë të Bashkimit Evropian për çështjet e jashtme dhe të sigurisë, Federica Mogherini, thuhet se mbështesin hapat e tillë që çojnë në një të ardhme më të mirë për komunitetet në vend.

“Kthimi i përfaqësuesve serbë në Kuvend dhe në Qeveri është një hap i rëndësishëm. Kjo konfirmon besimin tonë të fuqishëm se vetëm me bashkëpunim, gjithëpërfshirje dhe dialog liderët e zgjedhur mund të krijojnë një të ardhme më të mirë për të gjitha komunitetet në Kosovë. Angazhohemi të vazhdojmë mbështetjen e hapave të tillë pozitiv”, thuhet në deklaratë.