Ajo përshëndeti ardhjen e presidentit ukrainas Petro Poroshenko në inaugurimin presidencial në Kroaci, raporton Anadolu Agency.

“Kroacia udhëheq politikën e vet dhe ka qëndrimet e veta edhe në këtë rast”, ka theksuar ministrja Pusiç duke folur për kërkesën e Rusisë që luftëtarët kroat në Ukrainë të tërhiqen nga ai vend. Pusiq ka deklaruar se e ka befasuar lajmi se disa shtetas të Kroacisë kanë shkuar për të luftuar në lindje të Ukrainës.

Ajo theksoi se në rastin e Kroacisë bëhet fjalë për një numër shumë të vogël të njerëzve, por se nga pika e politikës së jashtme kjo çështje konsiderohet si shumë serioze dhe situata përcillet. “Kroacia nuk e mbështet në asnjë mënyrë këtë dhe angazhohet që numri i vogël i luftëtarëve që ndodhen atje, të kthehen. Besojmë se të gjithë, luftëtarët e huaj që janë në anën e një vendi tjetër duhet të kthehen. Në rastin tonë bëhet fjalë për numrin më të vogël të njerëzve në përgjithësi të cilët janë në territorin e Ukrainës, por vijnë nga tjera vendet”, tha Pusiq.

Ministrja Pusiq u bëri thirrje të gjitha vendeve, shtetasit e të cilave luftojnë në territorin e Ukrainës, të veprojnë në të njëjtën mënyrë si Kroacia. Ajo është njoftuar se në ceremoninë e inaugurimit të presidentes kroade të dielën do të jetë i pranishëm edhe presidenti ukrainas Petro Poroshenko dhe ministri i Jashtëm Pavlo Klimkin. Pusiq deklaroi se e gëzon lajmi që do të vijnë edhe përfaqësues të Ukrainës: “Ne i mirëpresim dhe mendoj që ky është një lajm shumë i mirë”.