Rreth 14,000 ndjekësit e Rinkevics në Twitter janë befasuar mbrëmë kur e kanë parë një postim të tij. Rinkevics shokoi letonezët kur publikisht pranoi orientimin e tij seksual. Në twitt-in (cicërimën) e Rinkevics shkruante: “Me krenari lajmëroj se jam homoseksual. Fat të mbarë për të gjithë ju”.

I proudly announce I’am gay… Good luck all of you…

— Edgars Rinkēvičs (@edgarsrinkevics) November 6, 2014

“Vendi ynë duhet të krijojë një status legal për të gjithë llojet e marrëdhënieve me partnerë, dhe unë do të luftoj për këtë gjë. E di se do të ketë një “Mega – Histeri” së shpejti, por jam krenar që jam homoseksual.”

Kjo dalje publike konsiderohet një qëndrim i fortë politik, duke ditur se Letonia është një nga shtetet e BE-së që e ka të ndaluar martesën e gjinisë së njejtë, transmeton lajmi.net. 

Në vend ka një armiqësi të hapur ndaj homoseksualëve dhe ata jo rrallë sulmohen në rrugë apo takime të ndryshme.

Ndër personalitetet e shumta që kanë reaguar ndaj kësaj deklarate ishte edhe ambasadorja aktuale e Amerikës në Kosovë, Tracey Ann Jacobson, e cila dikur ishte zëvendës shefe e misionit të SHBA-ve në Letoni. Ajo ka shkruar “Jam krenare që kam punuar me ju. Je i mrekullueshëm”.

@edgarsrinkevics Proud to have worked with you. You rock.

— Amb. Tracey Jacobson (@AmbTracey) November 7, 2014